Kryeministri Edi Rama mori një dhuratë nga ish-luftëtari i UÇK-së Rexhep Selimi, i cili është i paraburgosur në Hagë.
Ndërsa shpreh mirënjohje, kreu i qeverisë shprehet se mezi pret që të marrë “fund kalvari, gjithnjë e më i pajustifikueshëm i mbajtjes së të katërve ju peng atje në Hagë”.
“I prekur nga kjo dhuratë e bukur prej koleksionit të pikturave të luftëtarit të UÇK-së Rexhep Selimi, i cili ma përcolli sot nga Haga përmes Kryetarit të Kuvendit të Kosovës.
Shumë faleminderit me mirënjohje i dashur mik, e mezi pres ta shoh të marrë fund kalvari, gjithnjë e më i pajustifikueshëm i mbajtjes së të katërve ju peng atje në Hagë”, ka shkruar Rama.
