Skenarët për të ardhmen e drejtimit teknik te Real Madridi janë duke u shtuar, pasi klubi spanjol duhet që në verë të marrë vendime vendimtare për ditët e nesërme.
Dilema e madhe për presidentin Florentino Perez, është nëse Carlo Ancelotti do të vazhdojë në pankinë, apo nëse skuadra do t’i drejtohet një projekti të ri. Një figurë qendrore në thashethemet e zgjedhjes së dytë është Xabi Alonso, një ish-lojtar i Realit dhe tani trajner i ardhshëm.
Mourinho nuk e mbyll derën…
Në mes të këtyre skenarëve, Jose Mourinho, ish-trajneri i Realit dhe trajneri aktual i Fenerbahçes, është pyetur për mundësinë e rikthimit të tij te “Mbretëresha”. “Special One” nuk e përjashtoi skenarin, duke theksuar se vendimi i takon ekskluzivisht Florentino Perez.
“Unë do të jem gjithmonë një tifoz i madh i Real Madridit. Ata kanë trajnerin më të mirë në botë, mikun tim Carlo. Ai po bën shumë mirë”,- tha Mourinho duke treguar respektin e tij për Ancelottin.
Por ai shtoi: “E ardhmja varet nga ajo që dëshiron presidenti. Ndoshta do të zgjedhë një trajner të ri me shumë shikueshmëri, si Xabi Alonso, ose do të vazhdojë me përvojën e Carlos. Ose ai mund t’i drejtohet departamentit të të rinjve, duke zgjedhur dikë si Raul ose Alvaro Arbeloa”.
Florentino vendos…
Mourinho shprehu besimin e tij në zgjedhjet e Perez: “Florentino nuk ka marrë shumë vendime të gabuara në Madrid. Jam i sigurt, si tifoz i Real Madridit, se vendimi i tij i radhës do të jetë i duhuri”.
Për të ardhmen e Realit…
Me afrimin e verës, Real Madridi është në udhëkryq. Mundësia e qëndrimit të Ancelottit është një mundësi e fortë, por vizioni i një epoke të re me Xabi Alonson, apo kandidatë të tjerë ngre interes dhe pikëpyetje. Florentino Perez është thirrur të marrë një vendim që do të përcaktojë drejtimin e klubit për vitet në vijim.
