Një emër i madh nga trajnerët do ta gjejë veten së shpejti në treg. Shumë e mundur nëse duam të besojmë informacionin nga “Sun”.
Tabloidi britanik pretendon se West Ham është në prag të shkarkimit të Julen Lopetegui, ish-trajnerit të Real Madridit dhe trajnerit të Spanjës, pas humbjes 3-1 ndaj Leicesterit, duke shënuar një rikthim të presionit ndaj ish-trajnerit të Wolves.
Edhe pse një fitore e fundit kundër Newcastle i dha atij një pushim, paraqitjet e dobëta kundër Arsenalit dhe Leicesterit kanë ripërtërirë shqetësimet.
Terziç, Conceiçao apo Potter në vend të Lopeteguit?
Klubi londinez, zakonisht heziton të ndryshojë trajnerë në mes të sezonit, por po përgatit një listë të zëvendësuesve të mundshëm. Mes tyre janë Graham Potter, ish-trajneri i Chelseat, Edin Terzic, ish-trajneri i Dortmundit dhe Sergio Conceição, ish-trajneri i Portos.
Terzic, i cili udhëhoqi Dortmundin në finalen e Champions League, duket të jetë favoriti i klubit, megjithëse mbetet e pasigurt nëse ai do ta marrë këtë detyrë. Conceição, tre herë kampion i Portugalisë, ka qenë i lirë që kur u largua nga Porto verën e kaluar.
Potter, nga ana e tij, kohët e fundit refuzoi një ofertë nga Leicester, por thotë se është i interesuar në West Ham. Aktualisht një konsulent televiziv, ai ishte i pranishëm për të komentuar ndeshjen ndaj Leicesterit. Mjafton për të vlerësuar më nga afër shkallën e detyrës…
