Ishte një gjest që zemëroi Wanda Metropolitanon. Të martën, në orën 21:00, Bayer Leverkusen u përball në Madrid me Atléticon në Ligën e Kampionëve.
Pak para pjesës së parë, Piero Hincapié hapi rezultatin për mysafirët. Në eufori e sipër, Jeremie Frimpong, në anën e djathtë të Bayer, mori një buqetë me lule të vendosura në cep të fushës.
Problemi është ajo një buqetë e dashur për bardhekuqtë. Margarita, një abonent i klubit, e ka lënë atë aty që nga viti 1996. Gjesti zemëroi mbrojtësin e Madridit, José María Giménez dhe tifozët.
Një ditë pas incidentit, Frimpong shprehu “mea-culpa” e tij në X: “Pas ndeshjes, mësova për traditën e buqetës me lule në Metropolitano. Nuk e dija dhe kur u shënua, më ka marrë emocioni dhe e kam marrë, kam gabuar”.
Ai e shoqëroi mesazhin e tij në anglisht me një fjali në spanjisht: “Më falni tifozëve të Atléticos dhe veçanërisht Margaritës”. Një gjest i mirëpritur nga llogaria zyrtare e Atlético Madrid, e cila iu përgjigj me duartrokitje dhe dy zemra bardhekuq.
