Dëmtimi në kavilje i Armando Brojës pak kohë më parë ka trazuar fuqishëm të ardhmen e “bomberit” kuqezi. Jo vetëm rikuperimi i tij është i paqartë, por dhe se ku do të vijojë karrierën për pjesën e mbetur të sezonit.
Fakt është që Chelsea dhe Everton po negociojnë këtë në këto ditë janarit për të vendosur përfundimisht se çfarë do të bëjnë me Brojën. Klubi i Everton kërkon të lirohet nga Broja, nga paga e tij, pasi trajneri Devid Moyes kërkon përforcime në këto ditë të fundit të merkatos. E qartë është gjithashtu se Broja nuk bën pjesë në planet e Chelsea-t, skuadër që ka në pronësi kartonin e tij. Chelsea është gati të marrë Brojën, për të zhvilluar në Londër fazën e riaftësimit, por me një kusht, që Everton të paguajë për sulmuesit shqiptar, për prishjen e kontratës të firmos në fillim të këtij sezoni.
Në konferencë për shtyp, Moyes ritheksoi edhe një herë se dy klubet po negociojnë ndërmjet tyre, por nuk kanë gjetur ende një gjuhë të përbashkët: “Për momentin nuk ka një vendim përfundimtar, por mendoj se nga bisedat që kemi zhvilluar, është si mundësi, por në këtë moment që flasim, nuk është ende i konfirmuar”, u shpreh Moyes. Broja pësoi një dëmtim në kavije, një dëmtim i rëndë që pritet ta mbajë jashtë fushës së lojës për 10-12 javë.
