Të paktën 30 persona janë plagosur, disa prej tyre rëndë, në një aksident me karrige në vendpushimin spanjoll të skive Astún, në vargmalin malor të Pirenejve, njoftuan të shtunën shërbimet e urgjencës dhe mediat lokale.
Nëntë nga të lënduarit janë në gjendje shumë të rëndë, ndërsa tetë të tjerë janë të lënduar në masë të lehtë, thanë ata.
Kanali televiziv shtetëror TVE raportoi se rreth 80 persona mbetën të bllokuar në ashensorin. Ende nuk dihet shkaku i ngjarjes.
Kryeministri spanjoll Pedro Sánchez tha se ishte “i tronditur” nga lajmi i aksidentit, duke shprehur ngushëllimet e tij për të plagosurit dhe familjet e tyre.
“I tronditur nga lajmi i aksidentit në stacionin #Astún. Kam folur me presidentin e Aragonit @Jorge_Azcon për t’i ofruar atij mbështetjen e plotë të Qeverisë. Gjithë përzemërsia jonë për të lënduarit dhe familjet e tyre”, shkroi Sanchez në X.
