Xabi Alonso, trajneri i Bayer Leverkusenit, foli në një konferencë për shtyp në prag të ndeshjes së Ligës së Kampionëve me Atletico Madridin e Cholo Simeone në Civitas Metropolitano. Trajneri bask ka analizuar situatën aktuale të skuadrës së tij para ndeshjes kundër bardhekuqve, por në radhët e gazetarëve kishte nga ata që ishin më të interesuar për të ardhmen e tij. Gati mes Leverkusenit dhe… Madridit.
Përgjigjja: “Lamtumirë apo Real Madrid? Nuk mund të them asgjë, ne jemi në mes të një sezoni dhe të gjitha klubet kanë objektiva të mëdha. Atletico i ka, Madridi gjithashtu i ka dhe unë po mendoj t’i arrij ato.
Ndeshja është shumë e rëndësishme për të dyja skuadrat dhe unë jam i fokusuar në këtë. Nuk jam përgatitur për këtë përgjigje. Nuk më shqetësoni, as nuk më befasoni, unë jam duke menduar vetëm për Atléticon, për këtë jam përgatitur. Kam mjaft për të bërë”.
Çfarë kërkon ai nga ekipi i tij?
“Nesër (sot) është një ndeshje me vështirësi maksimale dhe ne do të duhet ta kuptojmë mirë lojën. Atlético e di se çfarë të bëjë me topin dhe di të presë. Ata kanë lojtarë që dinë të japin ritëm, por gjithashtu kanë kontroll të madh të pasimit. Kur Metropolitano ndizet, ju duhet të jeni gati për t’i menaxhuar ato momente.
Pasiguri për kualifikimin në 1/8?
“Duhet të dimë të presim, të shohim se si do të evoluojë ndeshja. Ideja jonë është të japim nivelin tonë më të mirë, kemi një mundësi të madhe, por e respektojmë kundërshtarin, i cili gjithashtu ka nevojë për fitore. Duhet të dimë se si për ta interpretojmë ndeshjen, por jemi në një vend të mirë”.
