Presidenti Donald Trump u zotua gjatë fjalimit të tij inaugurues se do të ndërmarrë hapa drejt eksplorimit të Marsit gjatë mandatit të tij. “Ne do të ndjekim fatin në yje, duke nisur astronautët amerikanë për të ngulur flamurin amerikan në planetin Mars”, tha Trump.
Trump nënvizoi se mesazhi i tij për amerikanët është të veprojnë me guxim, energji dhe vitalitet si qytetërimi më i madh i historisë. Trump shtoi se SHBA do të rrisë pasurinë e saj, do të zgjerojë territorin e saj dhe do ta çojë flamurin e saj në horizonte të reja, duke përfshirë hapësirën. Një ndër aleatët më të afërt të Trump është Elon Musk, miliarderi pronar i kompanisë SpaceX që njihet për ambicien e tij për të populluar Marsin.
