Miliarderi amerikan Elon Musk njoftoi lançimin e modelit të tij më të fundit të AI, Grok 3, në rrjetin e tij social X (Twitter), duke shtuar se ai është “inteligjenca artificiale më e zgjuar në botë”.
Siç thuhet, prezantimi i versionit demo të modelit Grok 3 është paralajmëruar për të martën në orën 05:00 të mëngjesit me kohën e Evropës Qendrore.
Musk tha më parë gjatë një video-konference në samitin në Dubai se Grok 3 do të tejkalonte çdo mjet konkurrues të AI të lëshuar deri më tani, raporton Bloomberg.
Modeli është i trajnuar mbi të dhëna sintetike dhe është në gjendje të mendojë për gabimet që bën duke lëvizur përpara dhe me radhë përmes të dhënave për të arritur qëndrueshmëri logjike, tha Musk.
Disa muaj më parë, ai vuri në dispozicion falas modelin e inteligjencës artificiale Grok 2 që mund të gjenerojë tekst dhe të gjitha llojet e imazheve nga një pyetje e thjeshtë në gjuhën e përditshme.
Vlera e kompanisë së zhvillimit të inteligjencës artificiale të Musk, xAI, aktualisht vlerësohet në rreth 50 miliardë dollarë, raportoi CNBC.
Lançimi i mjetit Grok 3 vjen në një kohë kur shumë vende po nxitojnë të zhvillojnë chatbot që janë të sofistikuar dhe më të lirë.
