Atalanta “lan duart” nga Kupën e Italisë, me ekipin e Berat Gjimshitit që e sheh veten jashtë këtij turneu pas humbjes 0-1 të pësuar në shtëpi përballë Bologna-s. Pas 26 vitesh, Bologna rikthehet të jetë pjesë e fazës gjysmëfinale, aty ku tani do të përballet me fituesin e çiftit Juve-Empoli.
Gasperini nuk kishte kursyer askënd në këtë takim, por De Ketelaere dhe pjesa tjetër e fazës ofensive nuk ishin në ditën e tyre më të mirë, prodhuan një volum të lartë loje, por thuajse në asnjë moment nuk ishin të saktë në pasin final.
