Duke mbajtur në duar një prototip që mbante fytyrën e tij dhe një mbishkrim “The Trump Card”, presidenti republikan u tha gazetarëve se viza speciale ndoshta do të ishte e disponueshme “në më pak se dy javë”. Të huajt e pasur, për 5 milionë dollarë, mund të fitojnë të drejtën për të jetuar dhe punuar në SHBA.
“Unë jam blerësi i parë. Mjaft emocionuese, apo jo?,”-tha Trump teksa prezantoi “shpikjen” më të re para gazetarëve, duke zbuluar se nuk ka dijeni kush është blerësi i dytë pas tij. Trump tha më parë se shitja e vizës së re, një version me çmim të lartë i “Green card”, do të sillte persona që do të hapnin vende punë për të reduktuar deficitin kombëtar të SHBA.
Ish-manjati i pasurive të paluajtshme miliarderi, i cili e ka bërë deportimin e miliona emigrantëve pa dokumente një prioritet për mandatin e tij të dytë, tha se karta e re do të ishte një rrugë më e shkurtër drejt shtetësisë shumë të çmuar amerikane. Në shkurt, kur prezantoi idenë tha se ndoshta do të shiste 1 milionë karta të tilla dhe nuk përjashtoi që oligarkët rusë ta blejnë njëjtë si gjithë të tjerët.
Donald Trump mban në duar 5 milionë dollarë
Karta
Trump u përgjigj: Po, ndoshta ua shesim dhe atyre. Unë njoh disa oligarkë rusë që janë njerëz shumë të mirë.
Sekretari i Tregtisë, Hoëard Lutnick, duke qëndruar përkrah Trump, tha se karta do të zëvendësojë programin e vizave për investitorët emigrantë të qeverisë ‘EB-5’, i cili lejon investitorët e huaj të derdhin para në projektet amerikane që krijojnë vende pune dhe më pas të aplikojnë për viza për të emigruar në SHBA.
