Granit Xhaka shumë shpejt mund të jetë një futbollist i Galatasarayt. Mesfushori i Bayer Leverkusen ka lënë gjithçka të hapur, teksa ka pasur një takim mes palëve.
Sipas një raportimi nga gazetarët e Sky Sports, Florian Plettenberg dhe Dennis Bayer, Galatasaray është i gatshëm të bëjë një ofertë për ta joshur Xhakën të kalojë në Turqi në verë. Gjithnjë sipas raportimeve, tashmë ka pasur një takim mes Xhakës, babait të tij, Galatasaray dhe një personi ndërmjetësues.
Granit Xhaka është një figurë e rëndësishme tek Bayer Leverkuseni, klub me të cilin ka kontratë deri në vitin 2028. Xhaka u bë pjesë e ‘Aspirinave’ në qershor të vitit 2023, duke u transferuar nga Arsenali për shumën e 15 milionë eurove.
