Partizani kërkon triumfin në Kupën e Shqipërisë për të siguruar një vend në kupat e Europës sezonin që vjen. Trajneri Gega ka qenë i qartë në vigjilje të ndeshjes së kthimit gjysmëfinales ndaj Egnatias, takimi ky që luhet nesër në “Arenën e Demave”.
Rezultati arritur në ndeshjen e parë në kupë? “Ky rezultat do të thotë që jemi në garë. Kemi arritur një rezultat 1-0 po si është një javë nuk është javën tjetër. Egnatia është një ekip i mirë, një ekip me kualitete dhe ne jemi të vetëdijshëm. Ne vijmë pas një ndeshje me një rezultat jo të mirë dhe gjithsesi nuk mund të punosh me entuziazëm. Jam munduar këto 2 -3 ditë edhe pse koha e ngjeshur të korrigjojmë, analizojmë dhe përmirësojmë gabimet që kemi bërë”, tha Gega.
Çfarë Egnatia prisni nesër? “Unë nuk mund të flas për Egnatian. Egnatia duhet të luaj ashtu siç luajti herën tjeter. Nuk mund as ti gjykosh dhe as ti kërkosh diçka apo të presësh diçka nga Egnatia. Egnatia ka pikësynimet e veta. Ndryshe mund të luajë me Elbasanin, ndryshe me Partizanin, është problemi tyre. Mendoj të fokusohemi te vetja jonë si do të përballemi. Egnatia ka filozofinë e vet, kanë pikësynimet e veta, interesat e veta në kuptimin e aktivizimit të lojtarëve. Deri sa ata kanë ardhur deri në gjysëmfinale kërkojnë të marrin maksimumin dhe ne jemi gati për këtë gjë,” u shpreh Gega.
Eshtë e rëndësishme kupa? “Unë mendoj se për një klub si Partizani çdo ndeshje duhet të ishte finale kupe. E vetmja mënyrë është t’i marrësh ndeshjet një nga një, por tani është fundi dhe nuk ka asnjë lloj shansi apo hapësire. Unë besoj se kjo është një ndeshje shumë e rëndësishme”,- pranoi trajneri i Partizanit.
