Administrata Trump ka kundërshtuar gjykatën, duke dërguar 17 të burgosur të tjerë në El Salvador, pavarësisht se gjykata e apelit e SHBA-së mbështeti ndalimin e dëbimeve të venezuelianëve.
Në një video të stilit hollivudian që diktatori i Amerikës Qendrore, Nayib Bukele, postoi në mediat sociale, shihet një avion ushtarak amerikan duke zbarkuar të burgosur të shoqëruar nga ushtarë të maskuar.
Burrat detyrohen të gjunjëzohen me duar të lidhura pas shpine, ndërsa rruhen me forcë përpara se të futen pas hekurave.
Sekretari i Shtetit Marco Rubio i përshkroi 17 të arrestuarit si “kriminelë të dhunshëm” që i përkasin dy bandave, MS-13 të El Salvadorit dhe Tren de Aragua të Venezuelës, të cilat Uashingtoni i ka shpallur organizata të huaja terroriste.
“Këta kriminelë nuk do të terrorizojnë më komunitetet tona dhe qytetarët tanë,” tha Rubio, duke falënderuar Bukelen. Rubio tha se të burgosurit përfshijnë “vrasës dhe përdhunues”. Bukele shkoi më tej dhe tha se janë “gjashtë përdhunues të fëmijëve”.
