Policia e Vorës në bashkëpunim me Komisiariatin Nr.6 në Tiranë ka vendosur në pranga një 25-vjeçar, të cilit i janë gjetur 107 doza me kokainë . 25-vjeçari i identifikuar si Beqir Hoxha është kapur në kuardër të operacionit ‘Settings’.
Përveç posedimit të dozave të kokainës, që dyshohet si i mbante për t’i shitur, Hoxhës i janë gjetur dhe 5 targa automjetesh, ku midis tyre rezulton të jetë një automjet i vjedhur.
Nga ana tjetër policia ka gjetur dhe një sasi të vogël municioni luftarak, gjatë kontrollit në banesën e 25-vjeçarit.
Vijojnë hetimet për dokumentimin e veprimtarive kriminale të këtij shtetasi. Materialet procedurale iu referuan Prokurorisë së Tiranës, për veprime të mëtejshme.
