Adriana Kalaja ka reaguar ashpër, pas nisjes së procesit të rinumërimit të votave në Tiranë, ku ajo ishte kandidate e Partisë Demokratike.
Ajo akuzon kandidatët e PD-së, se kanë vjedhur njëri-tjetrin.
Sipas Kalasë, PD nuk mund të ankohet se Edi Rama ka vjedhur zgjedhjet, kur vetë ata kanë vjedhur njëri-tjetrin.
“Nuk mund të akuzosh komshiun se të ka vjedhur, ndërkohë që ti vjedh familjen tënde.
Natën e mirë e pafshi ëndrra me rinumërime”, shkruan ajo.
Kalaja ndërkohë, shprehet se çdo gjë, duke nisur nga fushata, e ka bërë me shpenzimet e veta.
“Të flasësh me superlativa për dikë që thjesht po bën punën, madje paguhen mjaftueshëm mirë për ta bërë atë (pa përmendur të shkuarën e tyre se shkon keq fare situata), e të mos guxosh të përmendësh dikë që jo vetëm nuk paguhet, por çdo gjë e bën VETËM me shpenzimet e veta, tregon se gjëndja nuk është aq keq.
Është edhe më keq”, shkruan Kalaja.
