SPAK ka përfunduar hetimet dhe ka marrë të pandehur 28 persona, përfshirë pedagogë, staf akademik dhe biznesmenë, të cilët dyshohen për përfshirje në abuzime me tenderat në Universitetin Bujqësor të Tiranës.
Ndaj të pandehurve rëndojnë akuzat për “shkelje të barazisë në tendera” dhe “shpërdorim detyre”, në kuadër të procedurave të zhvilluara për prokurime publike në këtë institucion arsimor. Aktualisht, dosja penale po përgatitet për t’u dërguar në gjykatë.
Sipas SPAK, hetimet, të nisura më 21 tetor 2022, zbuluan një skemë të mirëorganizuar, në të cilën zyrtarë të nivelit të lartë akademik, përfshirë 2 zëvendësrektorët Ilir Kapaj e Romina Kotaj, dhe administratorin, Edmond Tërthorja në bashkëpunim me biznese manipuluan procesin e prokurimeve publike, duke favorizuar firmat “Krijon” sh.p.k, “Zero Group” sh.p.k dhe “Malvina Visoka PF”. Bëhet fjalë për 9 procedura tenderimi, të zhvilluara në vitin 2022, me një vlerë prokurimi prej 900 mijë eurosh.
Hetimet zbuluan se këto firma jo vetëm favorizoheshin dhe paracaktoheshin në tendera, por edhe bënin oferta fiktike në emër të bizneseve të tjera për të fryrë vlerën e tenderave. SPAK thote se hetimet zbuluan se përgatitja e dokumentacionit për fondet limit dhe specifikimet teknike ishin bërë në koordinim të plotë me fituesit e paracaktuar të tenderave, ndërsa nuk bëhet asnjë analizë reale të tregut.
Dokumentet hetimore tregojnë se pajisjet dhe mallrat e tenderuar ishin siguruar nga operatorët fitues disa muaj përpara shpalljes së procedurave, duke treguar se fituesit ishin vendosur paraprakisht. Ky manipulim ka përfshirë edhe anëtarët e njësisë së prokurimit dhe Komisionit të Vlerësimit të Ofertave, të cilët kanë ndihmuar në përzgjedhjen e fituesve të paracaktuar.
Emrat e 24 prej të pandehurve dhe akuzat
‘Arrest me burg’
1- Edmond Tërthorja, administratori i UBT-se – “Shkelje të barazisë së pjesëmarrësve në tendera apo ankande publike”, në bashkëpunim, në 6 raste (nenet 258 e 25 të Kodit Penal)
2- Amarildo Lleshi, përgjegjësi juridik i UBT – “Shkelje të barazisë së pjesëmarrësve në tendera apo ankande publike”, në bashkëpunim, në 5 raste, parashikuar nga nenet 258 e 25 të Kodit Penal.
3- Mehmet Qoshja, – drejtor i prokurimeve – “Shkelje të barazisë së pjesëmarrësve në tendera apo ankande publike”, në bashkëpunim, në 3 raste, parashikuar nga nenet 258 e 25 të Kodit Penal.
4- Altin Murto, – Drejtor i fondeve – “Shkelje të barazisë së pjesëmarrësve në tendera apo ankande publike”, në bashkëpunim, në 2 raste, parashikuar nga nenet 258 e 25 të Kodit Penal.
5- Piro Zoga – Zotëruesi i operatorit ‘Krijon shpk’ – “Falsifikimi i dokumenteve”, kryer në bashkëpunim, më shumë se një herë, parashikuar nga neni 186/2 i Kodit Penal (katër raste) – Nuk eshte ekzekutuar urdher arresti pasi ndodhet jashte.
‘Arrest në Shtëpi’
6- Agim Sefa, – Akuzohet për shkelje të barazisë së pjesëmarrësve në tendera apo ankande publike”, në bashkëpunim
7-Arjan Buliqi, – Akuzohet për shkelje të barazisë së pjesëmarrësve në tendera apo ankande publike”, në bashkëpunim
8- Serafin Skënderi – Akuzohet për shkelje të barazisë së pjesëmarrësve në tendera apo ankande publike”, në bashkëpunim
9- Ilir Kapaj- Akuzohet për shkelje të barazisë së pjesëmarrësve në tendera apo ankande publike”, në bashkëpunim
10- Dritan Laçi – Akuzohet për shkelje të barazisë së pjesëmarrësve në tendera apo ankande publike”, në bashkëpunim
11- Azem Parllaku – Akuzohet për shkelje të barazisë së pjesëmarrësve në tendera apo ankande publike”, në bashkëpunim
12- Artur Koleci – Akuzohet për shkelje të barazisë së pjesëmarrësve në tendera apo ankande publike”, në bashkëpunim
13- Blenard Spaho – Akuzohet për shkelje të barazisë së pjesëmarrësve në tendera apo ankande publike”, në bashkëpunim
14- Tedi Proda – Akuzohet për shkelje të barazisë së pjesëmarrësve në tendera apo ankande publike”, në bashkëpunim
15- Radion Dhromi – Akuzohet për shkelje të barazisë së pjesëmarrësve në tendera apo ankande publike”, në bashkëpunim
‘Detyrim me paraqitje’
16 – Enkeleida Sallaku – Akuzohet për shkelje të barazisë së pjesëmarrësve në tendera apo ankande publike”, në bashkëpunim, në 2 raste, nenet 258 e 25 të Kodit Penal.
17- Klara Jahollari – Akuzohet për shkelje të barazisë së pjesëmarrësve në tendera apo ankande publike”, në bashkëpunim, nenet 258 e 25 të Kodit Penal.
18- Ilir Kapaj – Akuzohet për shkelje të barazisë së pjesëmarrësve në tendera apo ankande publike”, në bashkëpunim, nenet 258 e 25 të Kodit Penal.
19- Erjola Kopali – Akuzohet për shkelje të barazisë së pjesëmarrësve në tendera apo ankande publike”, në bashkëpunim, nenet 258 e 25 të Kodit Penal.
20- Klea Lekocaj – Akuzohet për shkelje të barazisë së pjesëmarrësve në tendera apo ankande publike”, në bashkëpunim, nenet 258 e 25 të Kodit Penal.
21- Romina Koto – Akuzohet për “Shpërdorimi i detyrës”, parashikuar nga neni 248 i Kodit Penal
22- Bejo Bizhga – Akuzohet për Shpërdorimi i detyrës” arashikuar nga neni 248 i Kodit Penal
23- Etleva Shore – Akuzohet për shkelje të barazisë së pjesëmarrësve në tendera apo ankande publike”, në bashkëpunim, nenet 258 e 25 të Kodit Penal.
24- Rezearta Dervishi – Akuzohet për “Falsifikimi i dokumentave”, e kryer në bashkëpunim, më shumë se njëherë, parashikuar nga neni 186/2 i Kodit Penal (katër raste)
