Dyshimet mbi shëndetin e presidentit rus, Vladimir Putin, janë ngritur sërish, pas një incidenti të papritur gjatë një takimi me ish-presidentin amerikan Donald Trump në Alaska.
Gjatë zbritjes nga aeroplani presidencial, Putini u pa duke çaluar dhe bëri një ndalesë në mes të shkallëve, duke shtuar shqetësimet për gjendjen e tij fizike.
Ishte 72-vjeçari Putin, i cili u vu re duke ecur me vështirësi mbi qilimin e kuq, përpara se të takonte Trump-in. Pavarësisht vështirësive në ecje, ai shfaqi një buzëqeshje të lehtë dhe e shkëmbeu përshëndetjen me të, duke shtrënguar duar me presidentin amerikan.
Dyshimet për shëndetin e Putinit nuk janë të reja dhe kanë qarkulluar për vite me radhë. Spekulimet kanë përfshirë mundësinë që ai të vuajë nga kanceri, sëmundja e Parkinson-it, apo probleme të tjera serioze shëndetësore. Vëzhguesit kanë përmendur gjithashtu fytyrën e tij të fryrë, dridhjen e duarve dhe lëvizjet e ngurta si shenja të mundshme të përkeqësimit të gjendjes së tij.
Megjithatë, Kremlini ka mohuar vazhdimisht këto thashetheme, ndërsa inteligjenca perëndimore ka theksuar se nuk ka prova të forta që të mbështesin këto pretendime për sëmundje të rënda.
