Dashi
Hëna ndez sërish dëshirat tuaja dhe ju dhuron një energji të bukur për ta përballuar këtë fundjavë në formën më të mirë. Përfitoni nga kjo periudhë edhe për të ngadalësuar pak ritmin dhe për të planifikuar strategjitë në pritje të një vjeshte që parashikohet e mbushur me angazhime.
Demi
Beqarët do të kenë disa mundësi më shumë gjatë kësaj fundjave për të njohur një person intriguese dhe për t’u rikthyer në lojë, sidomos nëse vijnë nga një ndarje. Do të jetë një fundjavë që favorizon pajtimet familjare, sidomos nëse kohët e fundit ka pasur tensione.
Binjakët
Në shpirtin tuaj është një dëshirë për liri dhe lehtësi, që ju shtyn të kërkoni frymëzime të reja. Yjet ju nxisin të gjeni një ekuilibër të ri në jetën tuaj, mes risive dhe nevojës për stabilitet emocional. Shmangni mbingarkesën me angazhime gjatë fundjavës dhe kushtojini më shumë kohë pushimit.
Gaforrja
Sipas horoskopit të ditës, janë në ardhje përforcime të lidhjeve ekzistuese me njerëzit e rëndësishëm në jetën tuaj. Sidomos ata që janë beqarë mund të ndiejnë më shumë vetminë dhe dëshirën për t’u lidhur me dikë që e meritojnë vërtet. Kujdesuni më shumë për hapësirën tuaj të brendshme.
Luani
Kjo fundjavë do të jetë e favorshme për të bërë plane afatgjata në çift. Mund të flitet për zhvendosje, bashkëjetesë, martesë ose shtatzëni, sidomos për çiftet e reja që duan t’i japin një kthesë jetës së tyre.
Virgjëresha
Kjo fundjavë sjell mundësi të reja, sidomos për ata që kërkojnë shpirtin binjak. Megjithatë, nuk po arrini të shkëputeni plotësisht nga problemet që ju mundojnë për t’u përkushtuar në relaks dhe mirëqenie të brendshme. Ndoshta është momenti për t’ju dhuruar vetes disa çaste të lehta e të gëzuara.
Peshorja
Keni nevojë për pushim dhe relaks për të rikuperuar energjitë para vjeshtës. Yjet ju këshillojnë të mbyllni sa më shpejt çështjet e hapura dhe t’i lejoni vetes një pushim të gjatë e çlodhës. Kushtet do të jenë të favorshme për të rigjetur harmoninë e brendshme.
Akrepi
Nëse keni çështje të rëndësishme pune ose biznesi për të vendosur, më mirë shtyjini pas Ferragostit. Tani është momenti për pushim dhe për të rimbushur bateritë. Këtë fundjavë mund të ndiheni të lirë të thoni hapur atë që mendoni.
Shigjetari
Po rifitoni kënaqësinë për të surprizuar të tjerët dhe partnerin me spontanitetin dhe humorin tuaj të parezistueshëm. Në punë, mund të vijë së shpejti një ofertë interesante; analizoje me kujdes duke peshuar të mirat dhe të këqijat.
Bricjapi
Shpesh e teproni me dëshirën për të pasur gjithçka nën kontroll, gjë që nuk ju lejon t’i shijoni pushimet me lehtësi. Yjet ju sugjerojnë të merreni me punë dore ose aktivitete manuale për t’u shpërqendruar dhe për të mos menduar gjithmonë të njëjtat gjëra.
Ujori
Kultivoni marrëdhënie shoqërore dhe dilni më shumë këtë fundjavë, për të shprehur personalitetin dhe idetë tuaja. Mbani nën kontroll ndryshimet e humorit që shpesh ju shkaktojnë kontraste me të tjerët.
Peshqit
Kjo fundjavë sjell emocione të forta, sidomos për çiftet e reja që do të përfshihen nga pasioni. Yjet ju këshillojnë t’i kushtoni kohë meditimit për të rigjetur harmoninë e brendshme.
