Aksioni për lirimin e hapësirave publike në Tiranë dhe rrethet e tjera të vendit po vijon me intensitet. IMT dhe institucionet përkatëse po kontrollojnë çdo zonë ku ushtrohet aktivitet dhe janë zaptuar hapësirat publike, kryesisht trotuaret, me tenda, karrige dhe tavolina.
Kryeministri Edi Rama ka publikuar sot pamje të tjera nga ky aksion. Në rrjetin social Facebook ai ka ndarë momentin kur fadromat hedhin përtokë një tendë të madhe lokali me konstruksion metalik. Ai shprehet se ky nuk është një aksion, por një kthesë e fortë.
“Nuk është aksion, është kthesë deri në fund!”, shkruan shkurtimisht kreu i qeverisë.
