Çdo shenjë horoskopi ka cilësitë dhe dobësitë e veta, por disa prej tyre sipas astrologjisë janë cilësuar si më të përkëdhelurit.
Më poshtë kemi listuar se cilat janë kë 5 shenja të zodiakut.
Dashi
Dashi gëzon gjërat e mira dhe rutinën, ndërsa e ka vështirësi të pranojë ndryshimet që prishin ndjenjën e tij të sigurisë. Kur diçka nuk i pëlqen, nuk heziton ta shprehë hapur. Lakmia e Dashit shpesh manifestohet në nevojën për komoditet material: një vakt i mirë, një shtrat i butë dhe qetësi. Çdo gjë më pak prej kësaj e sheh si një sulm ndaj paqes së tij.
Gaforrja
Edhe pse përshkruhet si e butë dhe e kujdesshme, Gaforrja është emocionalisht shumë e prirur për t’u mbrojtur. Nëse ndjen se nuk po i jepet dashuri dhe mbështetje e mjaftueshme, tërhiqet dhe mërzitet, shpesh pa treguar se çfarë e ka prekur. Ndjeshmëria e saj e theksuar e bën të marrë gjithçka shumë personalisht, dhe pastaj vepron sikur bota duhet të përshtatet me emocionet e saj.
Luani
Luani pëlqen të jetë në qendër të vëmendjes dhe privilegjet janë pjesë e natyrshme e tij. Ai gjithmonë pret që të trajtohet me admirim dhe respekt, madje edhe kur nuk ka arsye të dukshme. Nëse ndjen se nuk po i kushtohet vëmendja e duhur, mërzitet dhe ofendohet. Ai thjesht adhuron luksin, shkëlqimin dhe ekskluzivitetin dhe pret të trajtohet si një person me status të veçantë, sepse beson se e meriton këtë.
Peshorja
Peshoret duan harmoni dhe estetikë, por edhe që t’u plotësohen dëshirat. Shpesh presin që të tjerët të marrin vendime për ta, t’i përkëdhelin dhe që gjithçka rreth tyre të duket perfekte. Peshorja vështirë pranon kompromise nëse nuk ndjen se po fiton diçka. Edhe pse duket e qetë, mund të bëhet shumë pasive-agresive kur gjërat nuk shkojnë sipas dëshirës së saj.
Peshqit
Peshqit janë ëndërrimtarë, emocionalë dhe të thellë, por edhe të prirur për dramë kur ndihen të keqkuptuar. Tekat e tyre nuk janë materiale, por emocionale, ata kërkojnë vëmendje të vazhdueshme, ngrohtësi dhe kuptim. Nëse i injoroni ose nuk u jepni hapësirë për të shprehur emocionet, mund të ofendohen dhe ‘zhduken’ në botën e tyre të heshtjes dhe trishtimit.
