Një aksident tragjik është shënuar pasditen e kësaj të shtunenë aksin rrugor “Shkodër – Hani i Hotit”, ku dy persona kanë humbur jetën.
Sipas informacionit paraprak të Policisë, rreth orës 18:20, një automjet që drejtohej nga një 32-vjeçar, i identifikuar si V. B., dyshohet se ka dalë nga rruga dhe është përplasur me një reklamë anës rrugës. Përplasja ka rezultuar fatale për drejtuesin e mjetit dhe për babanë e tij, 76-vjeçarin N. B., i cili ndodhej në automjet si pasagjer.
Të dy personat kanë ndërruar jetë në vendngjarje.
Grupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.
