Presidenti izraelit Isaac Herzog do të udhëtojë për në Vatikan të enjten për t’u takuar me Papa Leone XIV , i cili kohët e fundit kërkoi që Izraeli të ndalojë “ndëshkimin kolektiv” të popullsisë në Gaza.
Vizita njëditore po bëhet me ftesë të Papës, tha zyra e Herzog në një deklaratë më herët sot.
Presidenti do të takohet gjithashtu me sekretarin e shtetit, kardinalin Pietro Parolin, kryediplomatin e Vatikanit, dhe do të vizitojë Arkivat dhe Bibliotekën e Vatikanit, shtoi ajo.
“Në qendër të takimeve të tyre do të jenë përpjekjet për të siguruar lirimin e pengjeve, lufta kundër antisemitizmit global dhe mbrojtja e komuniteteve të krishtera në Lindjen e Mesme, së bashku me diskutimet mbi çështje të tjera politike”, tha presidenca.
Papa më parë ka dënuar “barbarinë” e luftës në Gaza dhe “përdorimin pa dallim të forcës”.
