Kreu i Partisë Demokratike Sali Berisha ka bërë publike mesazhin e lënë në SPAK për drejtuesin e këtij institucioni, Altin Dumani. Gjatë fjalës së tij përpara SPAK, Berisha deklaroi se Dumani kërkoi të përdhosë Kushtetutën për të zgjatur mandatin e tij.
“Altin Dumanit, autorit të krimeve të rënda kushtetuese, amnistisë elektorale të krimit elektoral, gjumit mbi dosjet e krimit, puçist që kërkoi të përdhosë Kushtetutën për të zgjatur mandatin e tij të krimit, e siguroj se ligji dhe Kushtetuta do të zbatohen dhe se ai do marrë përgjigjen e merituar ligjore për të gjithë veprimtarinë e tij kriminale,” tha Berisha.
