OpenAI njoftoi të martën se do të lançojë një version të dedikuar të ChatGPT me kontrolle prindërore për përdoruesit nën 18 vjeç, ndërsa kompania e inteligjencës artificiale po punon për të forcuar mbrojtjen e sigurisë për adoleshentët.
Kur OpenAI identifikon se një përdorues është i mitur, ai do të ridrejtohet automatikisht në një version të përshtatur të ChatGPT, i cili bllokon përmbajtje grafike dhe seksuale dhe, në raste të rralla të shqetësimit të thellë, mund të përfshijë edhe organet ligjzbatuese, tha kompania.
Përditësimet e sigurisë nga startup-i vijnë pasi Komisioni Federal i Tregtisë (FTC) ka hapur një hetim ndaj disa kompanive të teknologjisë, përfshirë edhe OpenAI, lidhur me mënyrën se si chatbot-ët e inteligjencës artificiale si ChatGPT mund të ndikojnë negativisht tek fëmijët dhe adoleshentët.
Ka disa raste ku ChatGPT është akuzuar si nxitëse e vetëvrasjes pas bisedave me adoleshentë që i kanë dhënë fund jetës.
