-Reperi Gramoz Aliu apo siç njihet për publikun, Mozzik është arrestuar mbrëmjen e së martës në aeroportin e Prishtinës. Mësohet se Mozzik është arrestuar nga policia doganore dhe është dërguar në mbajtje për 24-orë. IndeksOnline raporton se Mozzik është arrestuar pasi ka hyrë në Kosovë me dy orë të shtrenja.
Një ditë më parë reperi ekspozoi një orë të markës së famshme Richard Mille, ku tha se i bëri vetes një dhuratë para ditëlindjes. Njëra nga orët të cilat bleu reperi, karakterizohet nga një kornizë transparente prej safiri kristali dhe një rrip i bardhë elegant. Sipas raportimeve të bëra, çmimi i kësaj ore kap vlerën e rreth 1.5 milionë eurove.
Mediat në Kosovë raportojnë se Mozzik i ka borxh Tatimeve në Kosovë mbi 500 mijë euro, ndërsa ka hyrë në Kosovë me një vlerë thuajse trefish më të madhe se sa borxhi që i ka shtetit ku jeton. Dogana ka kërkuar edhe prejardhjen e të ardhurave të tij me të cilat e ka blerë orën. Prokurori pritet që se shpejti të marr një vendim të ri pas ndalimit të reperit.
