Futbollisti i Real Madridit, Vinicius Junior, po përflitet fuqishëm në media për një histori dashurie që po trondit jo vetëm botën e sportit, por edhe atë të showbiz-it.
Vinicius është lidhur me Virginia Fonseca, një prezantuese dhe sipërmarrëse braziliano-amerikane, e cila është nëna e tre fëmijëve dhe u divorcua pak muaj më parë nga këngëtari Ze Felipe. Lidhja e tyre u bë publike kur Virginia publikoi një foto në rrjetet sociale që tregonte qartë marrëdhënien e tyre.
Por historia nuk mbaron këtu. Portalet spanjolle dhe braziliane zbuluan edhe mesazhe ku Vinicius korrespondonte me gra të tjera, duke nxjerrë në pah tradhtinë ndaj të dashurës së tij të mëparshme, influencueses braziliane Maria Julia Mazzali, me të cilën ishte në një lidhje prej vitit 2019.
Në një postim të fundit në rrjetet sociale, Vinicius pranoi gabimet e tij dhe kërkoi falje për sjelljen e tij: “Të gjithë kalojmë nëpër momente që na bëjnë të mendojmë dhe të rritemi. Kohët e fundit përjetova një situatë që më detyroi të shikoja brenda vetes… Virginia është një grua e mrekullueshme, një nënë e mrekullueshme dhe dikush për të cilën kam dashuri dhe respekt të madh… Nuk turpërohem të pranoj se gabova dhe e zhgënjeva. Kjo është arsyeja pse dua të kërkoj falje publikisht, sepse një marrëdhënie e vërtetë ekziston vetëm kur ka respekt, besim dhe ndershmëri.”
Virginia Fonseca është një figurë shumë e njohur në Brazil dhe SHBA, me mbi 52 milionë ndjekës në rrjetet sociale, ndërsa në korrik të këtij viti përfundoi zyrtarisht divorci i saj nga Ze Felipe. Ata kanë tre fëmijë së bashku: Maria Alice (4), Maria Flor (2) dhe José Leonard (1).
Nga ana tjetër, Maria Julia Mazzali ka zgjedhur të mos komentojë publikisht për këtë çështje. Ajo dhe Vinicius ishin në një lidhje që prej vitit 2019 dhe ishin parë shpesh bashkë në ndeshjet e Real Madridit, duke ushqyer spekulime për fejesë dhe martesë që më pas nuk u materializuan.
Kjo histori dashurie dhe tradhtie ka ngjallur një interes të madh në mediat ndërkombëtare dhe rrjetet sociale, duke vënë në qendër të vëmendjes jo vetëm jetën private të yllit të futbollit, por edhe emocionet e njerëzve përreth tij.
