Psikoza në Rusi po përshkallëzohet për shkak të një transferimi të mundshëm të raketave Tomahawk nga SHBA-të në Ukrainë.
Këshilli i Federatës Ruse ratifikoi marrëveshjen e bashkëpunimit ushtarak me Kubën, të nënshkruar në mars të këtij viti në Havana dhe Moskë.
Marrëveshja e ratifikuar zgjeron maksimalisht bashkëpunimin ushtarak midis vendeve dhe lejon vendosjen e praktikisht çdo sistemi sulmues në territorin e ishullit.
Mirëpo Rusia, po kërcënon SHBA-të me raketa që mund të vendosë në Kubë dhe Venezuelë.
Kjo ka ndodhur tashmë në shekullin e kaluar. Pas Revolucionit Kuban dhe pushtimit të Gjirit të Derrave, BRSS vendosi të vendoste raketa bërthamore në ishull për të rivendosur ekuilibrin e fuqisë.
Në atë kohë, sistemet raketore sovjetike me rreze të mesme veprimi R‑12 dhe R‑14 mund të godisnin pjesën më të madhe të Shteteve të Bashkuara. Për shkak të kësaj, nga 22 deri në 28 tetor 1962 bota ishte në prag të luftës bërthamore.
Duket se Kremlini tani dëshiron ta përsërisë atë skenar Putin dëshiron ta trembë Trumpin në mënyrë që të mos dërgojë raketa “Tomahawk” në Ukrainë.
Venezuela tani sundohet nga diktatori pro-rus Maduro. Ai është në konflikt të drejtpërdrejtë me SHBA-të, dhe Trump po përgatit sulme në territorin venezuelian ku veprojnë kartelet.
Kuba nuk është larguar kurrë nga orbita e Rusisë është raportuar tashmë se 25 mijë kubanë së shpejti mund të dërgohen për t’u bashkuar me Ushtrinë e Rusisë për luftën në Ukrainë.
Është e qartë se Kremlini do të ofrojë diçka në këmbim të asaj fuqie punëtore dhe transferimi ose vendosja e pavarur e raketave me rreze të mesme në Kubë si një shfaqje e përbashkët force kundër SHBA-ve është një opsion mjaft i besueshëm.
Rusët po kryejnë një fushatë “kontrolli reflektiv” që synon të parandalojë SHBA-të nga furnizimi i raketave “Tomahawk” në Ukrainë, raporton ISW.
Më parë, vetë Putini paralajmëroi kundër transferimeve të tilla. Kremlini po “përpiqet t’i portretizojë dërgesat e mundshme të raketave “Tomahawk” nga SHBA-të në Ukrainë si një përshkallëzim të rrezikshëm në mënyrë që të pengojë SHBA-në nga furnizimi i armëve të tilla”.
Moska ka përdorur fushata të ngjashme informimi më parë, kur bëhej fjalë për furnizimin e Ukrainës me raketa HIMARS (dhe më vonë ATACMS), F-16 dhe tanke Abrams.
Si rezultat, Kremlini ka “vonuar rregullisht dhe me sukses dërgimin e armëve perëndimore në Ukrainë”.
Dorëzimi i raketave amerikane “Tomahawk” në Ukrainë mund të zgjasë me muaj dhe ato mund të mos dalin kurrë nga lëshuesit e tyre por kjo nuk do të thotë se ato nuk do të ndikojnë në Moskë, raporton Guardian.
