Ish-trajneri i Man City dhe kampioni me Italinë në Euro 2020, Roberto Mancini po përmendet si një prej kandidatëve surprizë për të marrë drejtimin e Manchester United, nëse klubi vendos të largojë Ruben Amorim.
Mancini, 60 vjeç, është pa punë prej një viti, që nga përfundimi i periudhës së tij si trajner i përfaqësueses së Arabisë Saudite. Burime pranë tij thonë se ai beson se mund të jetë në garë për pankinën e “Djajve të Kuq”, sidomos duke pasur marrëdhënie jo zyrtare me drejtues të klubit dhe faktin se disa prej personave me ndikim – si Sir Jim Ratcliffe – e njohin.
Kurrikula e Mancinit është mbresëlënëse: fitues i Premier League me City-n, ka marrë fund një pritje 34-vjeçare për titullin, si dhe ka udhëhequr Italinë drejt titullit europian në 2020.
Edhe pse fansat e Manchester City kanë ende simpati për arritjet e tij, ideja që Mancini të kalojë nga City te United shkakton debat, për shkak të historie midis dy klubeve.
Për momentin, nuk ka konfirmim zyrtar që Mancini ka pranuar ndonjë ofertë nga United. Emra të tjerë që përmenden në listën e mundshme janë Gareth Southgate dhe Oliver Glasner.
