Nga Mentor Kikia/
“Lëvizja” e fundit në PD tregon se zërat që kërkojnë rinovimin e lidershipit nuk janë më të heshtur. Nevoja qe kupola drejtuese, me Berishen në krye e te tjerë pas tij, të marrin përgjegjesitë e tyre, është shumë e madhe.
Ka një situatë absurde:
Sa më shumë del në shesh korrupsioni i qeverisë, aq më shumë bie mbështetja për opozitën. Të thuash se nuk mundet me votë një qeveri që është bërë si ajo varka që fut ujë gjithandej, është e pashpjegueshme dhe bën përgjegjës lidershipin e kësaj partie, me gjithë makinerine manipuluese të maxhorancës.
Por çfarë po ndodh?
Ata që kërkojnë ndryshimin, apo largimin e Berishës me grupin e tij të ngushtë nga drejtimi i partisë, takohen si dashnorë ilegalë nëpër kafene dhe nuk e zhvillojnë betejen brenda partisë.
Çfarë kanë në plan?
-Nëse duan të bëjnë parti të re, e sigurtë që ajo që do të arrijnë është të kapin ndonjë drejtor hipoteke në qeverinë “Rama 5”.
-Nëse duan të rinovojnë PD-në, duhet të bëjnë një platformë, të lobojnë brenda partisë dhe garojnë me një kandidat në zgjedhjet e pranverës. Të largojnë Berishën dhe të ruajnë partinë.
-Nëse kanë në plan që të prodhojnë sa më shumë programe televizive në mbrëmje me titullin “Çfarë po ndodh në Partinë Denikratike?”, këtë e kanë të sigurtë që e fitojnë.?
Marrë nga profili në Facebook
