Muzetë kanë qenë në qendër të vëmendjes kohët e fundit, pas grabitjes së Luvrit dhe hapjes së Muzeut të Madh Egjipitian. Këtë herë sytë janë kthyer në Siri, ku është grabitur muzeu kombëtar në kryeqytetin e vendit, Damask. Zyrtarët sirianë thanë se grabitësit hynë me forcë në muze dhe morën disa statuja të lashta që datojnë që nga epoka romake.
Një zyrtar nga Drejtoria e Përgjithshme e Antikiteteve dhe Muzeve të Sirisë i tha Associated Press se gjashtë statuja mermeri u vodhën, duke shtuar se një hetim ka nisur.
Grabitja ndodhi të dielën në mbrëmje dhe u zbulua herët të hënën, kur një nga dyert në departamentin klasik u gjet e thyer dhe disa statuja që datojnë mungonin.
Seksioni i muzeut ku u raportua se statujat ishin vjedhur është një departament i bukur dhe historikisht i pasur me objekte që datojnë që nga periudhat helenistike, romake dhe bizantine.
Muzeu Kombëtar i Damaskut u mbyll përkohësisht pasi grabitja u zbulua herët të hënën.
Muzeu u rihap në janar, ndërsa vendi po përjeton tronditje nga lufta civile 14-vjeçare dhe rënia e sundimit 54-vjeçar të familjes Assad vitin e kaluar.
Muzeu në Damaskun qendror, më i madhi i vendit, strehon antikitete të paçmuara që datojnë që nga historia e gjatë e Sirisë. Pas fillimit të luftës, siguria u rrit me porta metalike dhe kamera sigurie. Muzeu u rihap më 8 janar, një muaj pasi rebelët rrëzuan Presidentin Bashar Assad, duke sjellë një epokë të re për vendin.
