Elita e basketbollit botëror, NBA, zbriti në parket me tëtë ndeshjet e radhës.
Denver Nuggets regjistruan një fitore të bindshme ndaj Indiana Pacers me rezultatin 117:100, në një ndeshje ku shkëlqeu përsëri Nikola Jokic.
Ylli serb realizoi një tjetër “triple-double” mbresëlënës me 32 pikë, 14 ribaunde dhe 14 asistime, duke udhëhequr Denverin drejt suksesit të gjashtë në nëntë ndeshjet e para të sezonit. Pavarësisht mungesave të rëndësishme si Jamal Murray dhe Aaron Gordon, Nuggets treguan forcë kolektive dhe kontroll të plotë gjatë gjithë takimit.
Në anën tjetër, Indiana Pacers vazhdojnë momentin e dobët, duke pësuar humbjen e tetë në nëntë ndeshje. Aaron Nesmith me 25 pikë dhe Andreu Nembhard me 22 ishin më të mirët për skuadrën humbëse.
Në takimin tjetër, Atlanta Hawks fituan në mënyrë të qartë ndaj Los Angeles Lakers me rezultatin 122:102. Skuadra vendase dominoi ndeshjen që nga fillimi, duke e mbyllur pjesën e parë me avantazhin 68:54 dhe duke e çuar diferencën në 90:65 në çerekun e tretë.
Trajneri i Lakers, JJ Redick, vendosi të tërheqë Luka Donçiç nga loja në fund të periodës së tretë, pasi rezultati ishte i paarritshëm. Donçiç përfundoi me 22 pikë, 11 asistime dhe 5 ribaunde, ndërsa për Atlantan u dalluan Guaye me 21 pikë, Risacher me 19 dhe Krejci me 17.
Ndërkohë, Phoenix Suns arritën një tjetër fitore të rëndësishme duke mposhtur Los Angeles Clippers me rezultatin 114:103. Devin Booker ishte lideri i skuadrës nga Arizona me 21 pikë, 10 ribaunde dhe 9 asistime, duke u ndalur vetëm një hap larg një “triple-double”-i. Për Clippers, më i miri ishte kroati Ivica Zubac me 21 pikë dhe 15 ribaunde, por kontributi i tij nuk mjaftoi për të shmangur disfatën.
Rezultatet në NBA:
Washington Wizards – Dallas Mavericks 105:111
Philadelphia 76ers – Toronto Raptors 130:120
Atlanta Hawks – Los Angeles Lakers 122:102
Cleveland Cavaliers – Chicago Bulls 128:122
Miami Heat – Portland Trail Blazers 136:131
San Antonio Spurs – New Orleans Pelicans 126:119
Denver Nuggets – Indiana Pacers 117:100
Los Angeles Clippers – Phoenix Suns 103:114.
