Administrata amerikane i ka bërë të qartë Kievit se shtyrja e detyrimeve financiare do të ndihmonte dukshëm ekonominë e Ukrainës, ndërsa “një grusht raketash”, sipas këshilltarit Witkoff, nuk do të sillte zgjidhje të qëndrueshme për konfliktin.
Më herët, SHBA-të kishin propozuar një plan me 28 pika për zgjidhjen e krizës, i cili u prit me pakënaqësi nga Ukraina dhe disa partnerë evropianë, të cilët kërkuan rishikimin e tij.
Më 23 nëntor, Uashingtoni dhe Kievi zhvilluan konsultime mbi dokumentin dhe, sipas RBC-Ukrainë, palët ranë dakord për pjesën më të madhe të propozimeve amerikane. Megjithatë, disa çështje kyçe mbetën pezull dhe pritet të diskutohen në një takim të ardhshëm midis Presidentit të SHBA-ve, Donald Trump, dhe Presidentit ukrainas, Volodymyyr Zelensky një takim për të cilin ende nuk është përcaktuar data.
Presidenti Trump më vonë deklaroi se plani është shkurtuar nga 28 në 22 pika, duke lënë të hapur rrugën për negociata të mëtejshme.
