Familjarë, miq, kolegë dhe dhjetëra admirues të Shpat Kasapit u mblodhën këtë të diel në Pallatin e Kulturës në Tetovë për t’i dhënë lamtumirën e fundit artistit që u nda nga jeta në mënyrë të parakohshme, duke lënë pas një dhimbje të thellë.
Mes të pranishmëve ishte edhe presidenti i Partizanit, Gaz Demi, i cili udhëtoi drejt Maqedonisë së Veriut për të nderuar figurën e këngëtarit.
Shpati ndërroi jetë më 26 nëntor pas një arresti kardiak, teksa ndodhej në Itali së bashku me bashkëshorten për trajtimin e djalit të tyre, Roelit. Humbja e tij tronditi botën e artit shqiptar, që sot i jep lamtumirën një prej zërave të dashur të muzikës.
