Në një video nga Vatikani në Konferencën Kombëtare të të Rinjve Katolikë në Indianapolis, Indiana, Papa Leo u bëri thirrje të rinjve se inteligjenca artificiale po bëhet një nga tiparet kryesore të kohës sonë dhe se ajo duhet të ndihmojë dhe jo të pengojë zhvillimin e tyre.
Sipas tij, inteligjenca artificiale është në gjendje të përpunojë shpejt informacionin, por nuk mund ta zëvendësojë inteligjencën njerëzore.
“Mos i kërkoni asaj t’ju bëjë detyrat e shtëpisë! Ajo nuk është në gjendje të ofrojë mençuri të vërtetë. I mungon ky element kaq i rëndësishëm njerëzor. Inteligjenca artificiale nuk është në gjendje të gjykojë se çfarë është vërtet e drejtë apo e gabuar, dhe as të përjetojë një admirim të vërtetë përpara bukurisë, bukurisë së krijimit të Zotit.
Prandaj, jini të matur, jini të mençur. Kujdesuni që përdorimi juaj i IA-së të mos e kufizojë rritjen tuaj të vërtetë njerëzore. Përdoreni atë në një mënyrë të tillë që, edhe nëse do të zhdukej nesër, ju të vazhdonit të dinit si të mendoni, si të krijoni, si të veproni vetë dhe si të ndërtoni miqësi të vërteta.
Mos harroni, inteligjenca artificiale nuk do të jetë kurrë në gjendje të zëvendësojë atë dhuratë unike që ju jeni për botën”, është shprehur Papa për IA.
View this post on Instagram
