Arbeni ka vite që vuan një problem me babanë e tij, Ramadanin të cilin e ka sjellë në “Shihemi në Gjyq” nga “E Diela Shqiptare” në Tv Klan duke kërkuar të arrestohet. Në studio ndodhet i pranishëm edhe nipi i Ramadanit, Feridoni që ka të njëjtin problem.

Bëhet fjalë për një fshat në Pogradec, Bishnicë, ku pjesa më e madhe e banorëve ka mbiemrin Shuli dhe kanë një lidhje familjare të ngushtë. Me ligjin 7501, Arbeni thotë se kanë marrë një tokë 5600 metra katrorë në këtë fshat në emër të Ramadanit. Djali ka vërejtur se dalëngadalë kanë nisur të ndryshojnë kufijtë derisa është hequr aparati i matjes së energjisë elektrike.

Një nip i Ramadanit, Ariz Shuli ka marrë 163 metra katrorë nga ky truall duke bllokuar edhe kalimin për shtëpinë e Feridonit që detyrohet të dalë nga mali e jo nga rruga. Arbeni dhe Feridoni i kundërvihen Ramadanit. Djali thotë se vëllai i Ramadanit, Arefiu, e ka kërcënuar djalin e xhaxhait tjetër dhe rasti nuk është denoncuar në polici.

Feridon: Të lutem xhaxha Ramadani, je përgjegjësi nr. 1 në situatën që kemi arritur!

Eni Çobani: Po pse, çfarë ka bërë?

Feridon: Ky më bllokoi rrugën mua ia dha Arizit! Ku do të kaloj unë te shtëpia?

Arben: Ka shkuar me naxhake (sëpatë) t’i bjerë Arizit! Nuk e ka deklaruar në polici as kryeplaku, as policia bashkiake! As babai im!

Feridon: Ne kërkojmë të drejtën, xhaxha Dani! E sheh situatën ku arrite? E sheh tët bir ku arriti?

Eni Çobani: Po të dëgjojnë tani që Arefiu ka shkuar me sëpatë për të goditur kë?

Arben: Harizin.

Eni Çobani: Edhe kjo nuk është denoncuar në polici?

Arben: Nuk është denoncuar.

Eni Çobani: Pse?

Arben: Pse e kanë fshehur?

Eni Çobani: Pikërisht!

Feridon: Ky sharrën e babait tim ia ka dhënë Arizit! Ky është përgjegjës!

Eni Çobani: Të gjitha i ka bërë Ramadani?

Feridon: Po!

Ramadan: Ç’ne unë bre?

Eni Çobani: Ti ke qenë, dale se i ruan ai! Ku i ruajti?

Arben: Kam një vit po lë punën e po lë fëmijët vetëm, ka një vit që kam ardhur mbi 30 herë në Shqipëri.

Feridon: Të lutem xhaxha më trego rrugën, ku do të kaloj unë tani, në ajër?/TV KLAN