Ish-deputeti i PD Dashnor Sula, ka komentuar zgjedhjet që po mbahen në 5 bashki në vend Vlorë, Berat, Cërrik, Mat e Tepelenë. Sula tha në një lidhje skype për Report Tv, se këto zgjedhje nuk ishin të nevojshme, teksa shtoi se nuk do të sjellin asnjë risi.
“Unë shqetësohem për paratë, janë të taksapaguesve shqiptarë, sepse janë miliona lekë që hidhen. Nuk kemi luksin që të kemi zgjidhje sa herë. Nuk duhet që të ketë hapësira kaq të mëdha ligji.
Janë zgjedhje të vakta dhe po e shihni dhe vetë nuk kemi zgjedhje të përgjithshme se kush forcë do të jetë në pushtet, opozita apo mazhoranca, janë zgjehdje që nuk sjellin asgjë dhe asnjë risi, janë po ata njerëz. Nuk është normale”, tha ai.
Sula theksoi se Partia Demokratike duhet që të ishte me logon e saj pjesë e këtyre zgjedhjeve. Sipas tij, Partia Socialiste është më e avatazhuar për të siguruar fitoren në këto bashki.
“Tiranë është specifik tjetër, ato më shumë mund të ishin zgjedhje politike sesa vendore, sepse do të përcaktonin nëse do të fitonte mazhoranca që ka kaq vite në pushtet në kryeqytet apo opozita.
Por këto janë zgjidhje që mazhoranca siguron fitore dhe s’ka asnjë lloj shansi tjetër për të ndodhur ndryshe. Kjo tregon se në çfarë rrethi vicioz është futur opozita, sepse në vend që të jetë e lumtur, ndërkohë opozita nuk do që të bëhen zgjedhje. Ne nuk po arrijmë që të kuptojmë se pse po ndodh kjo qasja e opozitës dhe kjo nuk është normale. Padiskutim që opozita duhet që në çdo garë të jetë prezente”, tha ai.
