Të paktën 146 persona kanë vdekur pas zjarrit shkatërrues që përfshiu disa komplekse banimi në Hong Kong të mërkurën.
Autoritet bëjnë me dije se ky numër mund të rritet në vijim teksa 150 persona konsiderohen të zhdukur.
Në kujtim të viktimave vendi shpalli tre ditë zie. Zyrtarët mbajtën tre minuta heshtje flamujt e Kinës dhe Hong Kongut u ulën në gjysmë shtizë, teksa mijëra njerëz vendosën lule pranë vendit ku ndodhi tragjedia.
Shtatë nga tetë blloqe pallatesh në kompleksin e banesave Wang Fuk Court në lagjen veriore Tai Po u përfshinë me shpejtësi nga flakët. Akuzat se zjarri u përhap nga materiale ndërtimi të ndezshme kanë shkaktuar mjaft zemërim.
Shkaku i saktë i zjarrit ende nuk është përcaktuar. Tetë persona janë arrestuar me dyshimin për korrupsion gjatë rinovimeve që po kryheshin në kulla, ndërsa tre të tjerë u ndaluan me akuzën e vrasjes së paqëllimshme. Autoritetet thonë se hetimi mund të zgjasë tre deri në katër javë.
Zjarri – i cili u përhap me shpejtësi si lart ashtu edhe midis blloqeve – u shua plotësisht vetëm të premten në mëngjes, rreth 40 orë pasi filloi, dhe u deshën më shumë se 2,000 zjarrfikës për ta vënë nën kontroll.
