Kremlini ka vlerësuar përpjekjet e ndërmjetësimit të administratës së Presidentit Donald Trump në bisedimet për Ukrainën përpara diskutimeve me zyrtarët amerikanë në Moskë, duke thënë se roli i SHBA-së ka qenë “shumë efektiv”.
I dërguari i posaçëm Steve Witkoff dhe dhëndri i Trump, Jared Kushner, do të takohen me presidentin rus Vladimir Putin të martën pasdite për të diskutuar një marrëveshje paqeje për t’i dhënë fund luftës në Ukrainë.
“Plani i Presidentit Trump është një bazë shumë e mirë për një zgjidhje paqeje dhe shpresojmë që t’i përmbahemi kësaj baze”, tha zëdhënësi i Kremlinit, Dmitry Peskov, në një konferencë për shtyp të martën përpara vizitës, sipas agjencisë shtetërore të lajmeve TASS.
“Ndërmjetësimi i SHBA-së është shumë efektiv dhe shpresojmë që (do të ketë sukses. Dhe ne jemi të gatshëm të kontribuojmë në këtë sepse jemi të interesuar për paqen”, tha ai.
