Moral është strehë e të dobëtve, një alibi për paaftësinë e tyre për të vepruar si të fortët.
Në politikë nuk ka vend për moral, sepse e moralshme konsiderohet vetëm ajo që prodhon rezultat.
Morali nuk të jep bukë; e pamoralshmja, po.
E moralshme është ajo që të çon drejt pushtetit, e pamoralshme ajo që të mban larg tij.
Politika është k.rvë, dhe si e tillë të gjithë e kërkojnë, të gjithë duan ta provojnë.
Morali është për te xhamia dhe kisha; politika kërkon arritje qëllimesh.
Në politikë, çdo qëllim i arritur shfajëson mjetin e përdorur për ta arritur.
Morali kërkohet te tjetri, asnjëherë te vetja.
Moralin e përcaktojnë rrethanat dhe konteksti.
E moralshme është vetëm ajo që duket, pjesa tjetër është kap ç’të kapësh.
Të fortët përcaktojnë çfarë është e moralshme, për të dobtit vlen çfarë ngelet.
Hajduti ynë është i moralshëm, i yti i pamoralshëm.
Te morali shkohet vetëm nëpërmjet rrugëve të pamoralshme.
