Eurovision Song Contest do të mirëpresë vetëm 35 vende në konkursin e vitit të ardhshëm pas bojkotit të disa shteteve për pranimin e Izraelit.
Ky është numri më i ulët që prej vitit 2003, përpara se të prezantoheshin gjysmëfinalet dhe të shtoheshin vendet hyrëse.
Unioni i Transmetimit ka konfirmuar listën e transmetuesve publikë që do të marrin pjesë.
Spanja, Irlanda, Holanda, Sllovenia dhe Islanda janë tërhequr. Bullgaria, Rumania dhe Moldavia po rikthehen pas pushimit.
Gjysmëfinalet e vitit të ardhshëm në Vjenë do të jenë më 12 dhe 14 maj. Finalja e madhe do të mbahet më 16 maj.
Pritet të ketë një juri më të larmishme dhe kontrolle të përmirësuara votimi.
EBU u shpreh se shpreson që ndryshimet të bëjnë që konkursi të mbetet “një hapësirë neutrale për të shpalosur muzikën, talentin dhe bashkimin, i lirë nga ndikimi i papërshtatshëm.”
