Karim Benzema, fitues i “Topit të Artë” 2022, ka pësuar dëmtimin e parë qëkur u transferua te Al-Hilal këtë muaj. Sulmuesi 38-vjeçar nuk do të udhëtojë me ekipin për ndeshjen ndaj Al-Qassim për shkak të dhimbjeve në muskuj dhe do t’i nënshtrohet skanimit të martën për të përcaktuar shkallën e dëmtimit.
Benzema nisi me formë të shkëlqyer në debutimin e tij, duke shënuar një tregolësh dhe dhënë një asist në fitore 6-0 ndaj Al-Okhdoud, por nuk ndikoi në dy ndeshjet pasuese kundër El-Ettifaq (2-0) dhe Al-Ittihad (1-1). Ai iu bashkua Al-Hilal pas largimit nga Al-Ittihad në minutat e fundit të afatit kalimtar të dimrit.
