Në platformën e tij Truth Social, presidenti Donald Trump ka shkruar se SHBA-të po bisedonin me një “regjim të ri dhe më të arsyeshëm” të Iranit dhe se kishte bërë “përparim të madh”.
Megjithatë, ai përsëriti kërcënimet se, “nëse për ndonjë arsye nuk arrihet një marrëveshje së shpejti” dhe Ngushtica e Hormuzit nuk rihapet, ai do të sulmojë termocentralet e Iranit, puset e naftës dhe ishullin Kharg.
Kjo vjen pasi ministria e jashtme e Iranit kundërshtoi Trumpin lidhur me pretendimet e tij të mëparshme për negociata.
“Shtetet e Bashkuara të Amerikës janë në diskutime serioze me NJË REGJIM TË RI DHE MË TË ARSYESHËM për t’i dhënë fund Operacioneve tona Ushtarake në Iran. Është bërë përparim i madh, por nëse për ndonjë arsye nuk arrihet një marrëveshje së shpejti, gjë që ndoshta do të arrihet, dhe nëse Ngushtica e Hormuzit nuk është menjëherë “e Hapur për Biznes”, ne do ta përfundojmë “qëndrimin” tonë të këndshëm në Iran duke hedhur në erë dhe duke shkatërrur plotësisht të gjitha Impiantet e tyre të Gjenerimit të Energjisë Elektrike, Puset e Naftës dhe Ishullin Kharg (dhe ndoshta të gjitha impiantet e desalinizimit!), të cilat qëllimisht nuk i kemi “prekur” ende. Kjo do të jetë në shenjë hakmarrjeje për shumë ushtarë tanë dhe të tjerë që Irani ka masakruar dhe vrarë gjatë “Mbretërimit të Terrorit” 47-vjeçar të Regjimit të Vjetër. Faleminderit për vëmendjen tuaj ndaj kësaj çështjeje. Presidenti DONALD J. TRUMP”, ka shkruar Trump në Truth Social.
