Deputeti i Lidhjes Demokratike të Kosovës, Avdullah Hoti, ka reaguar lidhur nënshkrimin e marrëveshjes që u bë sot mes Shqipërisë dhe SHBA’ve në vlerë 6 miliardëshe, për gazin amerikan.
Hoti, në postimin e tij, ka thënë se Kosova ka humbur këtë mundësi, sepse, ‘’nuk ka për qëllim avancimin strategjik të marrëdhënieve të Kosovës me SHBA’’.
‘’Shqipëria nënshkruan marrëveshje prej 6 miliardë euro për gazin e lëngshëm amerikan, me të cilën do të ndërtohet impianti në Vlorë dhe lidhja me rrjetin rajonal.
Kosova e humbi këtë mundësi, sepse Kurti nuk ka për qëllim avancimin strategjik të marrëdhënieve të Kosovës me SHBA’’, ka shkruar ai.
