Presidenti ukrainas, Volodymyr Zelensky, paralajmëroi se një konflikt i zgjatur midis SHBA-së, Izraelit dhe Iranit rrezikon ta largojë vëmendjen e Uashingtonit nga Ukraina, duke e lënë potencialisht Kievin me një mungesë të rrezikshme të sistemeve thelbësore të mbrojtjes ajrore Patriot.
“Ukraina ka nevojë urgjente për më shumë sisteme të mbrojtjes ajrore Patriot të prodhuara në SHBA për ta ndihmuar atë të përballet me sulmet e përditshme të Rusisë”, tha Zelensky.
Sulmet e Rusisë ndaj zonave urbane pas vijës së frontit kanë vrarë mijëra civilë.
Ajo gjithashtu ka synuar furnizimin me energji të Ukrainës për të ndërprerë prodhimin industrial të dronëve dhe raketave të sapozhvilluara të Ukrainës, ndërkohë që u ka mohuar civilëve ngrohjen dhe ujin e rrjedhshëm në dimër.
“Duhet ta pranojmë se nuk jemi prioritet për sot”, deklaroi Zelensky.
“Kjo është arsyeja pse kam frikë se një luftë e gjatë me Iranin do të na japë më pak mbështetje”, shtoi ai.
Ndryshe, bisedimet e fundit të ndërmjetësuara nga SHBA midis të dërguarve nga Moska dhe Kievi përfunduan në shkurt pa shenja të ndonjë përparimi. /Independet
