Legjenda e futbollit brazilian, Romário, është rikthyer në qendër të vëmendjes mediatike, këtë herë jo për arritjet sportive, por për jetën e tij personale.
Sipas raportimeve të mediave të huaja, ish-fituesi i Kupës së Botës është ndarë nga e dashura e tij, Tiffany Barcelos, një studente e stomatologjisë rreth 35 vite më e re se ai, pas akuzave për tradhti.
Burime për median britanike The Sun bëjnë me dije se shkak i ndarjes dyshohet të jetë një marrëdhënie e Romários me një mike të ngushtë të partneres së tij, Barbara Cavalcanti.
Situata u përkeqësua pasi ish-futbollisti u pa në Fernando de Noronha, një nga destinacionet më të njohura turistike në Brazil, në shoqërinë e vajzës në fjalë, ku u fotografuan së bashku me miq të përbashkët.
Pas zbulimit të situatës, Tiffany Barcelos vendosi t’i japë fund menjëherë lidhjes, e cila kishte zgjatur vetëm disa muaj dhe kishte përfshirë edhe udhëtime në destinacione të njohura si Buenos Aires.
Deri më tani, Romário nuk ka reaguar publikisht lidhur me këto raportime.
