Kristjan Asllani është rikthyer te Interi pas huazimeve te Torino nga gushti 2025 deri në janar 2026 (16 paraqitje) dhe më pas te Besiktas deri në qershor (17 paraqitje dhe dy gola), por nuk është pjesë e planeve të Cristian Chivut.
Qëllimi i menaxhmentit të zikaltërve është t’i gjejë një skuadër të re para se të mbyllet merkatoja e verës.
Opsioni i Monzës u la menjëherë, por tani po hapet një transferim jashtë Italisë.
Sipas thashethemeve të fundit, Al Jazeera po ndjek mesfushorin e lindur në vitin 2002 dhe thuhet se ka filluar tashmë diskutimet me Interin në lidhje me huazimin e lojtarit të Kombëtares.
Nga ana e tyre, zikaltërit po kërkojnë një transferim të përhershëm.
Asllani vlerësohet rreth 10-12 milionë euro. Zhvillime të mëtejshme priten në orët në vijim.
