Vijon aksioni opozitar në Kosovë në kryeministri. Deputetë të Partisë Demokratike të Kosovës, këshilltarë komunalë, drejtorë e aktivistë të këtij subjekti politik në Prishtinë, por edhe deputetë të Aleancës kërkuan që kryeministri në detyrë, së bashku me ministrat ta lirojë objektin, pasi sipas tyre janë uzurpatorë.
Ata kanë kërkuar nga Albin Kurti që mos ta shkelë Kushtetutën por të shkojë në Kuvend dhe të mundësojë vazhdimin e seancës konstituive.
Megjithatë nga Vetëvendosje dhe kryesuesi i seancës, Avni Dehari, ka heshtje të plotë dhe asnjë datë se kur mund të përfundohet konstituimi i legjislaturës së re. Deputetët e PDK-së dhe Aleancës theksuan se qytetarët po i ndjejnë efektet e krizës së tejzgjatur politike dhe institucionale.
