Elon Musk do të bashkëdrejtojë “Project Meridian”, një nismë të re të Pentagonit që synon të analizojë mënyrën se si mund të zhvillohen konfliktet e ardhshme dhe teknologjitë që do të nevojiten në të ardhmen. Projekti do të zgjasë 120 ditë dhe do të drejtohet gjithashtu nga themeluesi i Anduril, Palmer Luckey, dhe ish-kryetari i Dhomës së Përfaqësuesve, Newt Gingrich.
Sipas raportimeve nga mediat e huaja, nisma do të shqyrtojë zhvillimet në inteligjencën artificiale, autonomi, robotikë dhe teknologji hapësinore, me synimin për të identifikuar aftësitë që ushtria amerikane do të ketë nevojë në konfliktet e ardhshme. Raporti përfundimtar pritet t’i dorëzohet Pentagonit në fund të janarit 2027.
