Kryetari i grupit parlamentar Demokraci dhe drejtësi, Edmond Stojku deklaroi sot se ndryshimet në Kodin Zgjedhor i hapin realisht listat 100%. “Ky kod është pothuajse 100% i hapur, e deklaroj këtë pa frikë.Partia Socialiste që është një parti e madhe dhe ka dhe mundësi përzgjedhje, pra nuk jemi ata që ne detyrojmë të tjerët, por mënyra e zgjidhjes vjen përmes kompromisit. Nëse ata kanë interes, ne kemi interes, biem dakord, jemi të qartë në mendimet politike të së ardhmes, pse jo koalicion me PS. Opozita parlamentare s’ka qenë asnjëherë e bashkuar, edhe për faktin se janë tre grupe parlamentare dhe një dyzinë parlamentarësh të veçantë që përfaqësojnë vetëm veten e tyre, ose vetëm një parti që kanë krijuar vetë. Pra kjo opozitë nuk ka qenë asnjëherë e bashkuar as në ide, as strategji, as strukturë, as politika, as qëndrime ndërparlamentare”, tha Stojku.
